Kryetari i Këshillit Kombëtar të PD, Edi Paloka dhe deputeti i PD Gazment Bardhi prej orës 11.00 po negociojnë për të gjetur një rrugë për bashkimin e Partisë Demokratike. Takimi po zhvillohet në një prej lokaleve përballë Parlamentit.
Kjo është hera e parë që zyrtarisht dy grupimet e Partise Demokratike po përpiqen të gjejnë një formulë kompromisi që opozita të garojë me një kandidat të përbashket në zgjedhje.
Kreu i PD, Sali Berisha dhe Gazment Bardhi kanë dhënë garanci se nuk kanë asnjë kusht për bisedimet duke lënë të hapur çdo opsion për të gjetur një formulë kompromisi.
Partia Demokratike u perça një vit më parë kur Lulzim Basha vendosi të përjashtonte Sali Berishën nga Partia Demokratike. Në 6 mars në zgjedhjet e pjesshme Partia Demokratike garoi me dy kandidatë në 6 bashki, duke humbur thellë në 5 bashki dhe duke fituar vetëm Shkodrën.
Sot të gjithë faktorët opozitare po përpiqen të shmangin përsëritjen e skenarit të 6 marsit, por arritja e konsensusit duket ende i veshtirë.