Seanca për vlerësimin e masës së sigurisë për ish-ministrin e Shëndetësisë Ilir Beqaj dhe 5 bashkëpunëtorët e tij pritet të mbahet sot në Gjykatën e Posaçme.
Një ditë më parë seanca u shty pasi avokatët mbrojtës kërkuan më shumë kohë të njihen me aktet hetimore.
Ilir Beqaj u arrestua të enjten në mëngjes, më 5 korrik, i akuzuar për korrupsion, mashtrim dhe fshehje të pasurisë.
Dyshohet se ai përfitoi miliona lekë me tendera të paracaktuar dhe me fatura fiktive, gjatë kohës kur drejtonte agjencisë shtetërore të koordinimit të ndihmës së huaj.
Nën akuzë është edhe bashkëpunëtori i tij i gushtë, Ermal Kurtulaj, i cili ishte emëruar nga Beqaj si koordinatori i një projekti të financuar me fondet e Bashkimit Europian.
Ilir Beqaj po hetohet ndërkohë edhe për koncesionin e sterilizimit të pajisjeve mjekësore./vizionplus.tv