Thierry Grosjean, bashkëshorti i balerinës së ndjerë Hueyda el Sayed, ka ndarë me publikun një mesazh prekës në 1-vjetorin e martesës së tyre.
Përmes disa fotove të publikuara në llogarinë e tij në “Instagram”, ai vë në dukje mungesën që po ndjen pas ndarjes nga jeta të Hueydas, ndërsa i shpreh falenderimet që ajo qëndron gjithonë në zemrën e tij.
“Hueyda dashuria ime, faleminderit që je gjithmonë në zemrat tona. Sot është një ditë speciale, ne festojmë përvjetorin e parë të martesës. Kështu që gëzuar ylli jonë, na mungon thellësisht shumë, por kemi një zemër të madhe për ty. Të duam shumë dashuria ime. Gabriel dhe Thierry”, ka shkruar Grosjean.
Balerina humbi jetën në moshën 46-vjeçare më 23 nëntor, pasi nuk mundi dot ta fitonte betejën me sëmundjen e rëndë.
