Shpejtësi skëtërrë, me makinë në kërkim dhe me patente të falsifikuar.
Kjo është ajo që është regjistruar në një ngjarje vërtet të paprecedente në rrugën e Bypass-it të Fierit nga uniformat blu.
Protagonist ka qënë një shtetas polak I cili ishte duke drejtuar një “Ferrari: me shpejtësi 231 km në orë të kapur nga radari I policisë. Një makinë që në fakt kishte parregullsi pasi ishte në kërkim në Gjermani për mungesë siguracioni. Po ashtu rezultoi gjatë verifikimeve se drejtuesi I makinës, 50 vjecari polak kishte një patentet të falsifikuar.
Në Bypass-in e Fierit, shërbimet e Policisë Rrugore kanë konstatuar nëpërmjet radarit, automjetin tip “Ferrari” me targa gjermane, që drejtohej me shpejtësi 231 km/h, nga shtetasi T. S., 50 vjeç, nga Polonia.
Nga verifikimet e kryera në bashkëpunim me Interpolin ka rezultuar se ky automjet është i shpallur në kërkim në Gjermani, për mungesë siguracioni. Gjithashtu, leja e drejtimit që ky shtetas i paraqiti punonjësve të Policisë, ishte e falsifikuar.
Në vijim të veprimeve, nga specialistët e Seksionit për Hetimin e Krimit Ekonomik e Financiar në DVP Fier u bë arrestimi në flagrancë i shtetasit T. S., për veprat penale “Përdorimi i dokumenteve të falsifikuara” dhe “Falsifikimi i vulave, stampave ose i formularëve”.
Për këtë shtetas u vendos edhe masa administrative 80.000 lekë të rinj, për tejkalim të normave të shpejtësisë dhe mungesë siguracioni.
AdvertisementAutomjeti tip “Ferrari” u sekuestrua në cilësinë e provës materiale
