TVSH-ja 10% që aplikohet që prej 1 janarit për inputet bujqësore vetëm sa shtrenjtoi më tej çmimet.Ky është Shpëtim Allushi, fermer në zonën e Maminasit, i cili tokën e ka mbjellë me grurë.
Por tani nuk ka mundësinë ekonomike për ta plehëruar bimën sepse çmimet janë trefishuar në krahasim me një vit më parë.
SHPETIM ALLUSHI
FERMER
FERMERI
“Sivjet nuk kemi hedh asnjë dorë, si do t’ia bëjmë për ta korrur nuk dimë, gruri është zverdhur. Vjet ishte 33-34 mijë lekë, sivjet 110, trefish më shtrenjtë.”
Advertisement
Për të hedhur plehrat kimikë, bujqit kanë edhe pak ditë në dispozicion. Në rast të kundërt, mundi i tyre do të shkojë dëm.
DRITAN KARREÇI
FERMER
“Po nuk i hodhëm tani deri në 10 shkurt, nuk vlen më sepse nuk rritet. Korre për bar pastaj.”
Advertisement
Nëse nga qeveria nuk merren masa për t’i mbështetur drejtpërdrejt fermerët, shumë shpejt të mbjellat do të zëvendësohen nga ferrat.
DURIM ALLUSHI
FERMER
“Deri tani kemi rezistuar, por fundi do të jetë shumë i afërt.”
Advertisement
Teksa thonë se rritja e çmimeve të inputeve bujqësore është e pashmangshme përsa kohë janë mallra importi, operatorët në treg tregojnë se fermerët po shohin mundësitë e mbijetesës.
AGIM RAMETA
FARMACI BUJQESORE
“Fermerët nuk kanë blerë si përpara, vijnë këshillohen dhe thonë si të mbajmë bimën gjallë dhe t’i hedhim më pak.”
Pavarësisht kundërshtimeve të shumta, qeveria vendosi TVSH 10% për inputet bujqësore, duke argumentuar se njerëzit e bujqësisë do të mbështeten drejtpërdrejt.
