Rritja e temperaturave ka sjellë një shtim të vizitorëve nga Kosova drejt Shqipërisë. Edhe këtë fundjavë, në pikën e kalimit kufitar të Morinës ka pasur një fluks të madh udhëtarësh nga Kosova, të cilët kanë zgjedhur Shqipërinë për të pushuar në bregdetin shqiptar.
Sipas mediave kosovare, drejt Shqipërisë në katër pikat e kalimit kufitar (Morinë, Shishtavec, Qafë Prush dhe Qafë Marinë), raportohet se kanë hyrë rreth 16 mijë shtetas me automjete e tyre private dhe autobusë.
Pushuesit nga Kosova vijojnë të zgjedhin bregdetin shqiptar për të kaluar fundjavën, ku numri i tyre sa vjen e shtohet gjatë këtyre ditëve të qershorit.
Ndërkohë, pritet që fluksi të jetë edhe më i madh gjatë sezonit për shkak edhe të rënies së infektimeve ditore nga koronavirusi.
