Një konflikt brenda familjes në Durrës për pak sa nuk përfundoi në tragjedi.
Asije Stafa, 74-vjeçe plagosi me thikë në banesë bashkëshortin e saj 78-vjeçar Ahmet Stafa, pas një debati për çështjen e pronave. Konflikti mes çiftit nisi fillimisht verbalisht, por më pas situata u përshkallëzua.
I moshuari e goditi bashkëshorten me sende të forta, ndërsa kjo e fundit u kundërpërgjigj duke e qëlluar me thikë. Si pasojë e goditjeve, të dy morën plagë të shumta në trup.
Ata u dërguan drejt spitalit për ndihmë mjekësore, ku ndodhen jashtë rrezikut për jetën.
Ngjarja ndodhi në lagjen numër 11 të qytetit bregdetar. Sipas burimeve pranë grupit hetimor, shkak për konfliktin u bë legalizimi i banesës.
78-vjeçari kishte paguar një shumë të madhe lekësh për të marrë certifikatën e pronësisë, por kjo gjë nuk ishte pranuar nga bashkëshortja e tij.
