Një 24-vjeçar është plagosur me thikë mbrëmjen e djeshme në një lokal në Pogradec, pas një konflikti për motive të dobëta.
Policia njoftin se pas sherrit të ndodhur, ka arrestuar në flagrancë 22 vjeçarin me iniciale U.B, si dhe ka proceduar penalisht tre persona të tjerë, që u përfshinë në këtë konflikt.
24-vjeçari që mbeti i plagosur sipas uniformave blu, vijon të qëndrojë në spital, nën kujdesin e mjekëve.
Plagosi me mjet prerës një 24-vjeçar, gjatë konfliktit në një lokal, kapet dhe vihet në pranga autori i dyshuar.
AdvertisementProcedohen në gjendje të lirë 3 shtetas të tjerë të përfshirë në konflikt.
Specialistët për Hetimin e Krimeve të Komisariatit të Policisë Pogradec arrestuan në flagrancë shtetasin U. B., 22 vjeç, banues në Pogradec, pasi dyshohet se gjatë një konflikti për motive të dobëta të ndodhur në orët e vona të mbrëmjes së djeshme, në ambientet e një lokali, në lagjen nr. 1, Pogradec, ka plagosur me mjet prerës (thikë) shtetasin R. J., 24 vjeç, banues në Pogradec, i cili ndodhet në spitalin e Pogradecit, në kujdesin e mjekëve.
AdvertisementGjithashtu, në vijim të veprimeve të kryera për këtë rast u referuan materialet në Prokurori ku filloi procedimi në gjendje të lirë për shtetasit R. Sh., 23 vjeç, banues në fshatin Gështenjas, Pogradec, F. Xh., 34 vjeç, banues në fshatin Vërdovë, Pogradec dhe R. J., 24 vjeç (i dëmtuari), pasi gjatë konfliktit e kanë goditur me grushte 22-vjeçarin U. B.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
