Ish-ministri i Brendshëm, Saimir Tahiri ka reaguar pas vrasjes së nënkomisarit Saimir Hoxha në Lezhë.
Përmes një postimi në rrjetet sociale, Tahiri shkruan se ai do të jetë një yll në murin e kujtesës dhe në ndërgjegjen tonë.
“Prehu në paqe miku im i panjohur. Pagove me jetë, shpirtin e vrarë të shumë të tjerëve! Yll në Murin e Kujtesës, e në ndërgjegjen tonë gjithashtu”, shkruan Tahiri.
Vrasja e Saimir Hoxhës solli reagime të shumta, ku presidenti i Republikës Ilir Meta, duke ngushëlluar familjen e viktimës, bëri thirrje për drejtësi. Ngushëllime për këtë ngjarje, ka përcjellë edhe Partia Demokratike nëpërmjet Enkeled Alibeajt, i cili e quan vrasjen, një ngjarje të paralajmëruar.
Ndërkohë, ministri i drejtëisë, Ulsi Manja, teksa ka shprehur ngushëllimet, thotë se kjo ngjarje nuk e mposht rrugën për të vendosur drejtësinë.
Edhe ambasadorja amerikane në Tiranë Yuri Kim, në një mesazh në ‘Twitter’, bëri thirrje për zbardhjen e ngjarjes, dhe vënien e autorit para drejtësisë.