Në shumë shtete të botës janë duke u përdorur disa vaksina dhe pyetja që shtrojnë shumë qytetarë është: A mundet që unë të zgjedh se me cilën vaksinë të injektohem?
Serbia është shteti i cili ka adaptuar një mekanizëm vaksinimi duke u dhënë mundësinë shtetasve të saj të zgjedhin se cilën vaksinë të marrin dhe në cilin vend duan të injektohen.
Serbia bëhet në këtë mënyrë shteti i vetëm në botë ku qytetarët zgjedhin llojin e vaksinës.
Përveç vaksinave nga Pfizer-BioNtech, Serbia ka administruar dhe vaksinën ruse, Sputnik V, si dhe atë kineze, Sinofarm. Këto të fundit ende nuk janë miratuar për përdorim nga BE, por përdorimi i tyre e ka kthyer Serbinë në një prej shteteve me shkallën më të lartë të vaksinimeve për frymë në kontinentin europian.
Qeveria serbe ka argumentuar se vaksina nuk duhet të jetë një çështje gjeopolitike, por shëndetësore.
Serbia është një nga shtetet me procesin më të shpejtë të vaksinimit në kontinentin evropian.