Besnik Sadikaj, 45 vjeç, u ekstradua këtë të enjte nga Italia drejt Shqipërisë. Gjykata e Elbasanit e ka dënuar në vitin 2014 me 7 vite burg atë, por dënimi nuk është vuajtur. 45-vjeçari akuzohet për “Pastrim të produktit të veprës penale ose veprimtarisë kriminale”.
Gjatë periudhës 2009-2010, ky shtetas ka hapur disa llogari në banka të nivelit të dytë në Shqipëri, në shuma të konsiderueshme në euro, të ardhura të cilat nuk janë justifikuar me burime të ligjshme.
Gjithashtu, ky shtetas dhe disa shtetas të tjerë janë dënuar në shtetin grek, pasi në bashkëpunim dyshohen për marrjen peng të një shtetaseje greke, në këmbim të shumës 1.800.000 euro. Ai ishte shpallur në kërkim ndërkombëtar nga Interpol Athina dhe Interpol Tirana. Prangosja e tyre u krye në Itali.
