19 persona janë arrestuar pas një serie aksionsh blic të RENEA-s mbrëmjen e së enjtes. Kontrollet u zhvilluan në disa qytete të medha te vendit për të luftuar kriminalitetin dhe arrestimin e personave në kërkim.
burime bëjnë me dije se është arrestuar në Tiranë Olsi Hasa, Alfed Ulaj, Mariglen Picari, Marjus Dosti, Aleks Delihasani, Ervis Sula dhe Lami Troci, Këta persona u kapën për lojëra fati, drogë dhe moskallëzim krimi.
Ndërkohë në Lezhë u arrestuan Gentian Ndoj, Aleksandër Bardhoshi, Albert Marku, Jeton Locaj, Renato Gjura, Ervin Nika, Anton Kola. Ata akuzohen për zhvillimin e lojërave të fatit dhe fshehte të të ardhurave.
Në vlorë u prangos Gentjano Mehmeti pasi u kap me pistoletë, municion luftarak dhe drogë.
Në zonën e Krujës dhe në Nikël u arrestuan : Zenel Haka, Gazmir Haka dhe Marklen Haka gjithashtu për armë, moskallëzim krimi dhe drogë.
Ndërsa në Gjirokastër u arrestua Klement Shehu, i shpallur në kërkim ndërkombëtar, pasi gjykata italiane e kishte dënuar me 6 vite burg për trafik droge.