Regjisori i njohur Piro Milkani, pasi mori dozën e parë të vaksinës kundër COVID, theksoi se vaksinimi është në dobinë e të gjithëve.
Në një prononcim për kamerat jashtë ambienteve të stadiumit “Air Albania”, Milkani u shpreh se ndryshe nga gripi spanjoll, ku humbën jetë miliona njerëz, këtë herë ai shpreson se do rikthehet shumë shpejt normaliteti.
“Është një vaksinim fare i thjeshtë, i zakonshëm. Duhet të pres 30 minuta. Unë jam shumë i kënaqur që e kam bërë mbas 6000 qytetarëve të nderuar të republikës së Shqipërisë siç janë mjekët dhe infermierët. Unë them se kam këmbën e mbarë, për ato që janë mbi 80 vjeç. Vaksina është shpëtimi i vetëm i kësaj pandemie të keqe, nëse 100 vjet më para gripi spanjoll shkatërroi njerëzimin, do ti kthehem jetës normale”, tha Milkani për mediat.
