![Reforma Zgjedhore, Kryetarja e OSBE takon Gjiknurin dhe Alibeajn: Do të vazhdojmë takimet gjithëpërfshirëse për këtë reformë](https://www.vizionplus.tv/wp-content/uploads/2024/01/a-129-597x400.png)
Kryetarja në detyrë e OSBE-së në vendin tonë, Clarisse Pasztory, është takuar ditën e sotme me dy bashkëkryetarët e komisionit për Reformën Zgjedhore, Damian Gjiknuri dhe Enkelejd Alibeaj.
Lajmin e ka konfirmuar vetë Pasztory në Facebook, ku shkruan se mirëpret rifillimin e punës dhe përshpejtësimin e saj për reformën zgjedhore.
“U takova sot me bashkëkryetarët e komisionit të posaçëm për reformën zgjedhore, Damian Gjiknuri dhe Enkelejd Alibeaj. Mirëpres rifillimin e punës përmbajtësore të premten dhe përshpejtimin e saj javët e ardhshme, me ndihmë dhe ekspertizë nga Prezenca e OSBE-së në Shqipëri dhe OSBE/ODIHR”, shruan Pasztory.
Ndërkohë Pasztory ka paralajëmruar se gjatë ditës së nesërme do të ketë takime me përfaqësues të tjerë politikë.
“Do të vazhdojmë takimet gjithëpërfshirëse për këtë reformë të rëndësishme, gjatë ditëve në vijim”, ka shtuar më tej Pasztory.
Burime për Vizion Plus bëjnë me dije se takimi i radhës i Pasztory-t mund të jetë me Gazment Bardhin.
/Vizionplus.tv/