Realizohet me sukses ndërhyrje e vështirë kirurgjikale në Spitalin e Fierit

Ministrja e Shëndetësisë, Ogerta Manastirliu ka dhënë lajmin e mirë nga Spitali Memorial i Fierit.

Ajo bën me dije se sot u realizua në këtë spital një nga ndërhyrjet më të vështira në mëlçi.

Ministrja theksoi se ndërhyrja është kryer me sukses nga ekipi turk e shqiptar, nën drejtimin e prof. dr. Bulent Cavit Yuksel.

“Një ndërhyrje delikate dhe e vështirë në mëlçi, për heqjen e kisteve multiple hepatike nga ekinokoku, u realizua me sukses me laparoskopi, nga super ekipi turk dhe shqiptar në Spitalin Memorial të Fierit. Ndërhyrja u krye me sukses nën drejtimin e prof. dr. Bulent Cavit Yuksel. Spitali Memorial i Fierit çdo ditë e më tepër po zgjeron shërbimet me standardet më të mira për qytetarët e rajonit të Jugut.”