Kryeministri Edi Rama takohet këtë të hënë në Berlin me kancelarin gjerman, Olaf Scholz.
Dy liderët do të nisin bisedimet në orën 18:00, e më pas do t’iu drejtohen mediave në një konferencë për shtyp.
Vetëm pak ditë më parë, shefi i ekzekutivit ka deklaruar se Shqipëria do t’i kërkojë Bashkimit Evropian nëse mund të ndjekë ofertën e saj për anëtarësim veçmas nga Maqedonia e Veriut fqinje, e cila vazhdon të përballet me veton bullgare.
Kryeministri Rama është shprehur se i mungon optimizmi se Bullgaria do të heqë shpejt veton e saj, prandaj kursi politik i Tiranës zyrtare, do të ndryshojë tërësisht.
Sakaq, Kancelari gjerman Olaf Scholz ka përsëritur se bisedimet për pranimin e Shqipërisë dhe Maqedonisë së Veriut në BE duhet të fillojnë sa më shpejt që të jetë e mundur, sepse çdo vonesë do ta bënte Ballkanin Perëndimor të prekshëm ndaj ndikimit të jashtëm.