Rama mesazh ngushëllimi për viktimat në Tetovë: Përqafim vëllazëror për mbarë popullin

Kryeministri Edi Rama ka ngushëlluar familjet e pacientëve që humbën jetën mbrëmjen e djeshme pas ngjarjes së rëndë që ndodhi mbrëmë në spitalin modular të Covid-it në Tetovë, ku deri më tani flitet për 10 viktima.

Kreu i qeverisë e ka shoqëruar postimin dhe me një fjongo të zezë në shenjë zie.

“MIRËMËNGJES dhe duke u bashkuar me të gjithë ju në ngushëllimet më të ndjera për familjet e viktimave të tragjedisë së mbrëmshme në spitalin Covid të Tetovës, si edhe në përqafimin vëllazëror për krejt komunitetin tetovar dhe mbarë popullin e Maqedonisë së Veriut, ju uroj një ditë të qetë juve e gjithë familjeve tuaja.”