Kryeministri Edi Rama deklaroi sot se marrëdhëniet ndërmjet Shqipërisë dhe Greqisë janë në pikun e tyre.
Në fjalën e tij në Forumin Ekonomik “DELPHI 2023, World Affairs”, që po zhvillohet në Athinë, Rama tha se të dy vendet kanë shprehur devotshmërinë e gatishmërinë për të bërë më shumë gjëra së bashku.
“Ne mund të punojmë më mirë tani për shkak se Greqia është një partner i rëndësishëm dhe strategjik kur flitet për negociatat me Bashkimin Europian. Ka qenë një mbështetje shumë e fortë për ne. Presim një zhvillim të ri që është krijimi i Dhomës së Tregtisë dhe Industrisë ndërmjet Greqisë dhe Shqipërisë, që është një lajm shumë i mirë”
Teksa foli edhe për influencën ruse në Ballkan ai u shpreh se Shqipëria dhe Kosova janë tërësisht pa influencë ndryshe nga Serbia dhe Bosnja Hercegovina ku paraqitet një panoramë krejt tjetër.
Ndërsa për marrëdhëniet mes Kosovës dhe Serbisë, kryeministri u shpreh:
“Dialogu është cësthja që mbetet ende çështje e madhe dhe zgjidhja e kësaj do të thot të mbyllësh një kapitull gjaku e konfliktesh. E megjithatë marrëdhëniet mes tyre nuk kanë qenë asnjëherë më mirë se sa janë tani krahasuar me të kaluarën, megjithatë ka shumë për tu bërë.
Kryeministri u pyet edhe në lidhje me retorikën e politikanëve britanikë ndaj shqiptarëvepër të cilet tha se i ka falur pasiqë ndodhen në një situatë të vështirë.
“Do t’i durojmë deri sa ta kapërcejnë këtë situatë. Nëse flasin keq nuk është problemi ynë por problemi i tyre. Ata po kalojnë një lloj krize nervore si vend dhe duhet t’i kuptojmë. Kanë humbur shumë pika reference dhe janë vërtet në pozicion të vështirë”
Sa i përket ‘martësës’ mes Shqipërisë dhe BE, Rama tha se pas hapjes së negociatave, ka një frymë të re dhe se vendi po punon për të përmbushur të gjitha kërkesat.