Me kërkesë të kryeministrit Edi Rama, presidenti i Turqisë Rexhep Taip Erdogan dërgoi në Shqipëri disa nga ekspertët e Komitetit të tij Shkencor.
Arsyeja e vizitës disa ditore në Tiranë, ishte për tu vënë një notë homologëve shqiptarë për përballjen me pandeminë, që nga gjurmimi i të infektuarëve, trajtimi i pacientëve nëpër spitalet Covid e masat kufizuese.
Në mbyllje kreu i qeverisë zhvilloi një komunikim virtual ku përfaqësues të dy komiteteve, folën për një raport që i sugjeron Shqipërisë strategjinë që duhet të ndjekë si në menaxhimin e pandemisë por edhe në sigurimin e vaksinës. Përveç falenderimeve dhe vlerësimeve për punën e komitetit tonë të ekspertëve, raporti nuk u bë publik.
Shqipëria dhe më konkretisht sistemi shëndetësor është i përshtatshëm për të zbatuar metoda të reja kundër Covid-19. Ajo gëzon një shëndetësi që i përgjigjet konventave ndërkombëtare të mjekësisë.
Me vlerësimin se Turqia është destinacion i të vërtetës kur flitet për shëndetësinë, kryeministri Edi Rama dha lajmin se ndërhyja në syrin e efektivit të plagosur në protestë ishte i suksesshëm.