Policia e Skraparit ka shpallur në kërkim dy 19-vjeçarë, të cilët qëlluan me armë në drejtim të një makine të bashkëmoshatarit të tyre.
Në momentin e ngjarjes, shtetasi me iniciale I.D ka qenë jashtë automjetit, duke bërë që nga të shtënat të mos ketë asnjë person të lënduar.
Ngjarja dyshohet të ketë ndodhur pas një konflikti të çastit mes të rinjve, ndërsa autorët kanë braktisur mjetin e tyre kur kuptuan që po ndiqeshin nga policia dhe u larguan në një zonë të pyllëzuar.
Blutë po vijojnë punën për kapjen e shtetasve A.G dhe F.Ç.
Skrapar
Qëlluan me armë zjarri pas një konflikti, braktisën automjetin gjatë ndjekjes nga Policia dhe u larguan në një zonë të pyllëzuar, identifikohen dhe shpallen në kërkim dy 19-vjeçarë.
AdvertisementNë Çorovodë, dyshohet se pas një konflikti të çastit, për motive të dobëta, shtetasi A. G., 19 vjeç në bashkëpunim me shtetasin F. Ç., 19 vjeç, kanë qëlluar me armë zjarri në drejtim të automjetit të shtetasit I. D., 19 vjeç, i cili në momentin e qëllimit, ishte jashtë automjetit. Nga të shtënat nuk ka asnjë shtetas të dëmtuar.
Falë reagimit të shpejtë të Policisë, u bë i mundur identifikimi i autorëve të këtij rasti, të cilët kur kanë konstatuar se po ndiqeshin nga shërbimet e Policisë, kanë braktisur automjetin dhe janë larguar në një zonë të pyllëzuar.
AdvertisementShërbimet e Policisë vijojnë ende ndjekjen e tyre dhe kontrollin e zonës, me qëllim kapjen e tyre.
Grupi hetimor, në drejtimin e Prokurorisë, vijon punën për zbardhjen dhe dokumentimin e plotë ligjor të këtij rasti.
