Lirohet anëtari i partisë demokratike, Van Rica i cili qëlloi me armë zjarri pak ditë më parë në zyrat lokale të selisë blu në kurbin.
Prokuroria kërkoi masën e sigurisë “arrest me burg” me afat 45 ditor. Kërkesë kjo që u kundërshtua nga pala mbrojtëse me argumentin se akuzat për “armëmbajtje pa leje” dhe “kanosje” nuk qëndrojnë, pasi pistoletën 53-vjeçari e kishte me leje.
Pasi u njoh me qëndrimet e palëve, gjykata e Kurbinit vendosi “detyrim paraqitje” për Van Ricën.
Ngjarja ndodhi mbrëmjen e të hënës gjatë mbledhjes që dega e PD në Laç po zhvillonte për primaret.
Van Rica kërkoi anëtarësime të reja të disa simpatizantëve, por kërkesa e tij u refuzua nga nënkryetari i degës së PD, Kastriot Marku. Gjatë debatit, 53-vjeçari qëlloi me armë zjarri e më pas u largua.
