Që nga ora 07:30 e të dielës së sotme kanë ushtruar të drejtën e tyre 717.334 qytetarë.
Procesi i votimit kësaj radhe solli një rezultat të lartë në krahasim me vitet e shkuara.
Ka nisur procesi i numërimit të votave në Bashkinë e parë në vend.
Bashkia e Pustecit ka qenë e para ajo e cila ka nisur procesin e numërimit, pasi kanë transportuar në KZAZ të gjitha kutitë e votimit.
Mësohet se në Pustec po numërohen votat e 7 qendrave të votimit nga tre grupe. Në këtë bashki kanë votuar gjithsej 1606 qytetarë nga 4366 gjithsej.
Ndërkohë, nga numërimi i kutisë së parë në Bashkinë Pustec, fshati Kallamas kemi këto rezultate:
-PS 118
-PD 114
-LSI 17
Por, vetëm pak minuta më parë, Vizion Plus ka mësuar se bashkia që ndjek Pustecin është ajo e Policanit, e cila po ashtu ka filluar procesin e numërimit, në qarkun e Beratit. Të gjitha kutitë e votimit të 23 qendrave të votimit janë dërguar në KZAZ 67. Në Polican pjesëmarrja në votim ka qenë 51.25 % nga 13 180 qytetarë me të drejtë vote.