Sezoni turistik në Durrës pritet të hyjë shumë shpejt në rrjedhën normale të tij.
Aktualisht plazhi frekuentohet nga një numër i konsiderueshëm pushtuesish, vendas si dhe të tjerë që vijnë nga Kosova dhe Maqedonia e Veriut.
Në fillim të korrikut pritet të ketë rritje të fluksit. Pushuesit shprehen se janë të kënaqur me kushtet, ndërkohë që edhe çmimet janë normale.
Ashtu si dhe vitin e kaluar, në plazhin më të madh të qytetit bregdetar shihen shumë pak kulla vrojtimi. Subjektet që aplikojnë për plazhe private e kanë detyrim ndërtimin e kullës vrojtuese dhe punësimin e një roje plazhi të certifikuar.
Pak ditë më parë ministri i turizmit Blendi Klosi paralajmëroi subjektet e hoteleri turizmit që të marrin masa për garantimin e jetës së pushuesve në plazhe, pasi në të kundërt do të ketë ndjekje penale për ta.