Provokon qeveria serbe: Do ta ruajmë Kosovën deri në vdekje

Pavarësisht se Brukseli vijon negociatat mes Beogradit dhe Prishtinës, qeveria serbe nuk heq dorë nga provokimet dhe deklaratat nacionaliste. Gjatë votëbesimit në Parlament, qeveria e Serbisë u zotua se do të ruajë deri në vdekje Kosovën si pjesë të sajën.

“Qeveria do të vijojë me përkushtim të ruajë Kosovën dhe Metohinë, si pjesë integrale të Serbisë.”

Pas kësaj deklarate, zëvendëskryeministri i Kosovës, Besnik Tahiri reagoi ashpër.

“Bernabiçit dhe 23 ministrave të kabinetit të saj ju them se Republikën e Kosovës e ruan populli i vet, gjaku i dëshmorëve, institucionet demokratike dhe e drejta jonë kombëtare e ndërkombëtare”.