Policia ka zbardhur detaje nga plagosja që ndodhi mbrëmjen e sotme në Malësinë e Madhe, ku Emanuel Guri i cili mori një plumb në shpatull shkoi në spitalin e Shkodrës, ku edhe i është nënshtruar një operacioni.
Blutë njoftojnë Sadonel Bushataj u shoqërua në komisariat, ndërsa Arsid Kurtaj vijon të jetë në kërkim nga policia.
Malësi e Madhe/Informacion paraprak
Rreth orës 20:50, në fshatin Demiraj, pas një konflikti për motive të dobëta mes shtetasve E. G., e A. K., me shtetasin S. B., ka mbetur i plagosur me armë zjarri pistoletë jashtë rrezikut për jetën, shtetasi E. G., 28 vjeç.
AdvertisementNë vendngjarje kanë shkuar menjëherë shërbimet e Policisë dhe grupi hetimor.
Në vijim të veprimeve hetimore, u shoqërua në Komisariat për veprime të mëtejshme, shtetasi S. B., pasi dyshohet se gjatë konfliktit ka plagosur me armë zjarri shtetasin E. G.
AdvertisementNdërkohë janë ngritur pika kontrolli dhe vijon krehja e zonës me qëllim kapjen e shtetasit A. K, i përfshirë në konflikt.
Grupi hetimor nën drejtimin e Prokurorisë vijon punën për sqarimin e rrethanave të ngjarjes.
