Përshkallëzohet protesta e qytetarëve kundër rritjes së çmimit të karburantit dhe ushqimeve të shportës.
Pas kryeministrisë, protestuesit kanë bllokuar dy kahet e unazës së Tiranës. Duke u ulur ne tokë dhe duke fikur makinat. Protestuesit kanë thënë se manifestimi i tyre do të vijojë pambarim derisa të normalizohet situata, ndërsa kanë paralajmëruar një tjetër protestë masive ditën e shtunë.
Advertisement
Po ashtu, një protestë është paralajmëruar edhe nga sindikata e taksistëve. Kreu i sindikatës, Bilbil Cara tha se të premten në orën 11:00, makinat e taksive do të bllokojnë rrugët në shenjë proteste, duke shtuar se rritja e çmimit të hidrokarbureve është e pa përballueshme.
