Astrit Patozi ish nenkryetar i PD, ironizoi zhvillimet e brendshme ne PD kete te diele ku i percaktua edhe mbajtja e zgjedhjeve te reja per kreun e partise ne 13 qershor.
Patozi falenderon Bashen dhe Berishen qe kete here zgjedhjet per kryetar nuk po i bejne me ne 22 korrik, kur ai vete ka ditelindjen.
Me poshte statusi i Patozit ne facebook:
NJË FALENDERIM PËR LULIN DHE DOKTORIN
Për ata që nuk e dinë apo nuk e mbajnë mend, 22 korriku është ditëlindja ime dhe kam qenë unë, që e kam propozuar të jetë dita e zgjedhjeve për kryetarin e PD në vitin 2013.
Asokohe mbaj mend bezdinë e Sali Berishës me kokën ulur në mbledhjen e kryesisë, por edhe ia njoh “meritën”, që nuk e kundërshtoi, sepse ndoshta të tilla ishin rrethanat.
Ndërsa sot i falenderoj të dy njëkohësisht, Lulzim Bashën dhe doktorin, për vendimin e tyre të fundit që zgjedhjet për kryetarin e PD do të zhvillohen më 13 qershor.
Të paktën më kanë hequr një siklet të madh. Sepse më ishte krijuar bindja se deri sa të vdisja, do të duroja që një herë në katër vjet, dhe çdo 22 korrik, të merrja njoftimin e rizgjedhjes së Lulzim Bashës si kryetar të Partisë Demokratike (pas humbjes).
Të paktën, 22 korriku nuk do të jetë më datë historike, dhe kjo nuk është arritje e vogël.
Sa për ata që do të ndjekin dhe do të mbështesin procesin e 13 qershorit, nuk kam asnjë koment. Mes tyre dhe Lulit me doktorin, do të zgjidhja gjithmonë këta të dytët. Por unë e kam marrë tashmë prej kohësh vendimin, nuk zgjedh asnjërin prej tyre, ndaj edhe jam jashtë çdo konflikti interesi.
