I ftuar në Spotlight nga Alban Dudushi, në Vizion Plus, Gazmend Bardhi, drejtues Politik i PD-së në Elbasan ka paralajmëruar se në Shkodër mund të ketë përplasje nëse rrezikohen standardet e zgjedhjeve
Gazmend Bardhi: Përplasje dhe përballje për të garantuar ato standarte të nevojshme për zgjedhje të lira dhe të ndershme
Alban Dudushi: Po thoni se mund të shkojë deri në përplasje fizike?
Gazmend Bardhi: Edhe në Elbasan ka patur një përplasje midis mbështetësve të Partisë Demokratike apo mbështetësve të Partisë Socialiste. Nuk ka qenë ky rasti i ngjarjes që ndodhi më 14-Mars. Ka patur një tentativë të disa eksponentëve me rekorde kriminale, anëtarë të krimit të organizuar, të cilët kanë dhunuar qytetarë të Elbasanit që kishin dalë në shesh për të festuar ditën e verës.