Një automjet civil ka përplasur makinën e policisë mëngjesin e sotëm në qendër të Athinës në Greqi.
Shtypi grek raporton se ngjarja ka ndodhur rreth orës 09:00 sipas orës lokale. Gazeta greke “Protothema” raporton se shoferi është me origjinë shqiptare.
Por ajo që mësohet është se pas përplasjes së mjeteve, punonjësi i policisë ka qëlluar me armë në drejtim të shoferit duke e lënë të plagosur. Ky i fundit është dërguar në spital për ndihmë mjekësore.
Advertisement
Mediat e Athinës shkruajnë se automjeti ka qenë i vjedhur.
Forca të shumta policore kanë shkuar në vendngjarje.
