Sali Berisha shfrytëzoi një mbledhje me grupin e deputeteve demokrat te “Rithemelimit” për të sulmuar kryeministrin Edi Rama.
Ai tha se kreu i qeverise shqiptare është sjelle si një gangster i vërtete në rrafshin e politikes rajonale.
Vera e nxori lakuriq Edi Ramën. Ishte një verë në rrafshin rajonal ku ai u paraqit siç është, një gangster, një gangster i vërtetë që nuk respekton asnjë normë, asnjë parim. Por kjo verë i preu biletën atij. Mjafton të rikujtoj këtu qëndrimet e tij ndaj Kosovës, antikombëtare, antishqiptare, por qëndrime që shkelin çdo kod në marrëdhëniet e fqinjësisë mes dy vendeve.
Lideri i opozitës shtoi se Rama organizoi funeralin politik të Albin Kurtit me sulme të papranueshme ndaj kreut te qeverise se Kosovës.
U vërsul i pari me tërbim duke i vendosur Kosovës sanksione dhe mendoi se Albin Kurtit i erdhi fundi dhe të organizojë funeralin politik. Mori atë që meritonte, mori turpin dhe shpërfilljen gjer në asgjësim. Organizoi turin Ballkanik, turin e vetëposhtërimit, turin e merituar të vetëposhtërimit. U përpoq të zëvendësonte Lajçakun dhe Eskobar dhe të dilte tani ky si ndërmjetësues ndërkombëtar për zgjidhjen e problemeve. Hartoi një draft me ekspert të shquar për problemin më nevralgjik që është çështja e asocasionit, por edhe drafti edhe përpjekja përfundoi në koshin e humorit, talljes dhe përçmimit që meritonte.
Berishtoi shtoi në fund e Edi Rama është turpi i Shqipërisë dhe i shqiptarëve pasi sipas tij është i vetmi kryeministër në rajon që nuk pranohet nga dy kryeministra të vendeve fqinj, që refuzohet në mënyrën më të merituar.
