Drejtori i Përgjithshëm i Policisë së Shtetit, Ardi Veliu u zotua se operacioni ndërkombëtar “DOBRA” nuk ka përfunduar.
Në një konferencë për shtyp, ai deklaroi se grupi kriminal, që përbëhej kryesisht nga shqiptarë, do të goditet më tej, duke i hequr pronat e përfituara nga trafiku i drogës.
“Ne nuk do të mjaftohemi vetëm me ndalimin e operacionit në këtë stad, por do të vazhdojmë në vendin tonë për të identifikuar dhe investuar të gjitha pronat që kanë ardhur nga rezultat i këtij veprimtarie kriminale për të gjithë shtetasit e përshirë. Duke goditur dhe në pjesën ekonomike i japim një goditje të fortë këtij grupi kriminal, duke e paralizuar atë. Ky është operacioni i parë i përbashkët që zhvillojmë me kolegët tanë spanjoll, unë besoj dhe shpresoj që do ta vijojmë dhe në të ardhmen operacione të tilla të përbashkëta.”
