“Open Balkan” në Beograd, Vuçiç: Samiti i Tiranës në dhjetor, ja marrëveshja e rëndësishme që do firmoset

Presidenti i Serbisë,  Aleksandar Vuçiç gjatë konferencës që po mbahet në Beograd, deklaroi se samiti i radhës do të zhvillohet në fund të dhjetorit në Tiranë, ku do të firmoset marrëveshja mes tre vendeve për lejet e punës që kjo të bëhet ligjërisht e lejueshme.

Ai ka argumentuar se kjo do të bëjë që qytetarët të mos largohen nga rajoni.

“Në samitin e Tiranës do kemi një takim pas Krishtlindjeve, 26-27 apo 28 në Tiranë. Dhe do nënshkruajmë memorandumin për lejet e punës që duhet të ketë fuqi ligjore.

Se kjo është për të mbajtur njerëzit në rajon që ata të mund të punojnë. Do kemi më shumë indianë turq apo nga Filipinet nëse nuk e bëjmë. Edhe pse mundësia është që ti kemi njerëzit tanë.” tha Vuçiç.