Kryeministri Edi Rama foli në “Zërin e Amerikës” edhe për zgjedhjet e pjesshme vendore që do të mbahen më 6 mars. Duke e cilësuar një ofertë për komunitetin dhe jo një betejë “jetë a vdekje”, kreu i qeverisë nuk hezitoi të thumbonte Bashën dhe Berishën.
“Ne kemi respektuar një proces që është tejet i vonuar pas një shkeljeje kushtetuese nga ana e Presidentiti që mori peng këto komunitete. 6 Kandidatët tanë ofrojnë për komunitetet vlera dhe aftësitë e tyre. Nuk janë zgjedhje politike, por vendore. Ne do t’i trajtojmë problemet e komunitetit me të gjithë vëmendjen e tyre. Kemi përballë dy forca që janë palegjitimitetin moral për të qenë aty ku janë, për shkak të dy frymëzuesve të tyre që janë pengje të së shkuarës. Për ne, nuk është një betejë për jetë a vdekje, është një ofertë në komunitetet.”
I pyetur për ndikimin e gjendjes së opozitës në administratën e vendit, Rama pohoi se vendi nuk ka pasur prej vitesh një opozitë të arsyeshme.
