Shkrimtari austriak i cili në vitin 2019 kishte fituar çmimin Nobel, Peter Handke është dekoruar të hënën me medaljen “Urdhri i Yllit të Karagjorgjit” nga Presidenti i Serbisë, Aleksandar Vuçiç.
Vuçiç këtë dekoratë i ka dhënë shkrimtarit austriak Handke në shenjë të falënderimit për kontributin që ka dhënë ky i fundit për Serbinë dhe serbët në përgjithësi, raporton pink.rs.
“Populli serb është i lumtur të përfshijë Handken mes miqve të tij. Populli ynë kurrë nuk ka pasur nevojë për më të mirë…
Bashkëmoshatarët e mi e njohën punën e tij përmes filmave të Will Wenders. Sa herë që dua të kuptoj problemet e njerëzve tanë në Kosovë dhe Metohi, kërkoj një nga librat e Peter Hadke.
Duke dhënë urdhrin më të rëndësishëm, Serbia tregon mirënjohjen e saj për akademikun dhe kolegun e saj Handke. Faleminderit për gjithçka që bëni për vendin tonë dhe Serbinë“- theksoi Vuçiç.
Pas fjalimit të tij, Vuçiç i dha fituesit të çmimit Nobel austriak, “Urdhrin e Yllit të Karagjorgjit, të shkallës së parë.