23-vjeçarja Cai Qijie është një studente kineze që do të mbërrijë në Milano për të ndjekur studimet për master. Referuar mediave italiane, rasti i saj është i ndryshëm nga të tjerët sepse ajo ka bërë vaksinën kundër koronavirusit.
Kjo do të jetë një provë e rrezikshme për të kuptuar nëse vaksina në të vërtetë e mbron atë nga koronavirusi, në një kohë kur Italia po vuan nga vala e dytë. Dhjetë ditë më parë, Cai Qijie shkoi vullnetarisht në një laborator në Shaoxing, qytetin e saj të lindjes, ku iu injektua doza e parë e vaksinës nga Sinovac Biotech. Asnjë reagim anësor, por as edhe ndonjë siguri që përveç që nuk e ka lënduar, ajo me të vërtetë e mbron atë nga COVID-19.
Në pak ditë do t’i kryhet injeksioni përforcues dhe më pas ajo do të niset për në Itali. Nëse gjithçka shkon mirë, do të jetë një sukses i madh për shkencën kineze, përndryshe reagimi ndërkombëtar dhe vendas do të ishte katastrofik.