Të tjera detaje dalin në lidhje me arrestimin e 29-vjeçarit Eraldo Dervishi, i cili shantazhonte me disa video komprometuese një vajzë nga Brazili.
Mësohet se riu dhe 19-vjeçarja nga Brazili ishin njohur përmes rrjeteve sociale dhe më pas vajza kishte vendosur që të vinte në Shqipëri që ta takonte djalin. Pas kësaj njohje, e reja nisi që t’i dërgonte video intime 29-vjeçarit, ndërsa ky i fundit e shantazhoi atë.
Dervishi i kishte marrë vajzës pasaportën, ndërsa në këmbim të saj i kërkonte që t’i jepte një shumë lekësh. Duke qenë në këtë situatë, vajza i është drejtuar policisë, ku ka bërë denoncimin për rastin në fjalë dhe ka rrëfyer historinë e shantazhi.
Duke qenë që nuk njiheshin mirë, pasi kishin folur përmes rrjeteve sociale, e reja ka treguar emrin e djalit, por edhe numrin e tij të telefonit, ndërsa më pas policia ka bërë identifikimin dhe arrestimin e tij.
