Shefja e Spitalit Infektiv, i kthyer tashmë në Covid-1, Najada Çomo është personi i parë që është vaksinuar ndaj Covid-19. Ashtu sic pritej, ka nisur vaksinimi ndaj Covid -19 në Shqipëri. Të parët që do marrin prodhimin e Pfizer/BioNTech janë mjekët, më pas të moshuarit. Kryeministri Edi Rama tha pak më parë, se janë 975 doza vaksinat e para që kanë mbërritur në vendin tonë, nga një vend i BE-së. Vaksina në Shqipëri është falas dhe jo e detyrueshme, teksa momentalisht qendra e parë e vaksinimit është hapur në stadiumin “Air Albania’’.
Të ftuar në Spotlight nga Alban Dudushi, në Vizion Plus, inxhinieri Arben Meçe është përplasur me prof. Gazmend Koduzi lidhur me transparencën e munguar mbi marrjen e vaksinës.
Arben Meçe: Gjithë bota po përdor Pfizer, ti thua është i pasigurtë në Shqipëri. Nuk shkon!
Gazmend Koduzi: Mos deformo fjalë, s’kam thënë ashtu! Thashë ka ardhur në mënyrë jo transparente dhe kryeministri duhet të bëjë transparencë. Transparenca i shërben besimit të ndërsjelltë midis shtetit dhe qytetarëve.
Arben Meçe: E nxjerr nesër se ka strategjinë e vet dhe ai.
Gazmend Koduzi: Po, jo or zotëri jo, se nuk është lojë shëndeti i qytetarëve