Policia e Shtetit ka prezantuar planin e masave organizative dhe operacionale për garantimin e rendit publik dhe sigurisë gjatë zhvillimit të protestës ditën e nesërme.
Ashtu si herët e tjera, leja është marrë nga “Aleanca për Mbrojtjen e Teatrit” dhe do të zhvillohet në orën 10:00, pranë Bashkisë së Tiranës.
Në zbatim të planit të masave, Policia e Shtetit njofton se, ditën e nesërme, prej orës 09:30 e në vijim, do të ketë bllokim të përkohshëm të qarkullimit të mjeteve, në bulevardin kryesor pranë Bashkisë së Tiranës. Për këtë arsye policia i kërkon shoferësve që të përdorin rrugë alternative, deri në përfundim të tubimit, si Unaza e Mesme dhe Unaza e Madhe.
Policia u përsërit thirrjen organizatorëve, drejtuesve dhe pjesëmarrësve në tubime për të respektuar ligjin dhe për t’u distancuar nga çdo akt dhune./vizionplus.tv
