Nëna e Mateos: Ma sillni këtu, ta djegin tani mes të Fierit! Mu pre ëndrra, më iku fëmija

Pas vendosjes së masës së sigurisë “arrest me burg” për Klodian Çalamanin, nëna e 8 vjeçarit të vrarë kërkon varjen e autorit.

Me lot në sy ajo thotë se kërkon të marrë hakun e djalit të saj ndërsa thekson se përditë do të jenë para gjykatës për të kërkuar drejtësi.

“Kërkoj varjen e atij maskarai, jam e ëma e atij djali, më iku fëmija, iu pre ëndrra në gjysmë, kërkoj varjen në mes të Fierit, ma sillni këtu, duam drejtësi. Ma gënjeu. Ma mashtroi, i tha do iki te shtëpia se kam vëllanë sëmurë, ma groposi. E groposi dhe bënte sikur nuk kishte ndodhur gjë, “ku është Mato”, dua ta djegin tani mes të Fierit dhe të jem e ngopur dhe t’i them cunit ta mora hakun, si mama. Përditë këtu do jemi, nuk ndahemi”, thotë ajo.