Një 34-vjeçare nga Elbasani ka ndërruar jetë ditën e djeshme.
Policia e Elbasanit njofton se dy ditë më parë, e reja ishte paraqitur në maternitet dhe ka kryer abort.
Pas procedurës së abortit, ajo është larguar për në banesë ku është ndjerë keq e më pas ka thirrur shërbimet e ambulancës.
Pas transportit në maternitet, 34-vjeçarja ka ndërruar jetë.
Në lidhje me ngjarjen janë proceduar penalisht dy mjek për veprën penale të neglizhencës në trajtimin mjekësor.
Më datë 30.01.2023, rreth orës 12:00, një shtetase 34 vjeçe është paraqitur në ambientet e Maternitetit të Elbasanit, ka kryer një procedurë aborti dhe më pas është larguar në banesë. Rreth orës 18:00 të së njëjtës ditë, dyshohet se për shkak të komplikimeve të gjendjes shëndetësore, kjo shtetase ka njoftuar shërbimet e ambulancës, të cilat e kanë transportuar atë në Maternitetin e Elbasanit, ku kjo shtetase ka humbur jetën. Për këtë rast, oficerët e Policisë Gjyqësore të Prokurorisë pranë Gjykatës së Rrethit Gjyqësor Elbasan kanë iniciuar procedimin penal për shtetasit A. P., 56 vjeç dhe B. Gj., 60 vjeç, mjekë në Maternitetin e Elbasanit, për veprën penale “Neglizhenca në trajtimin mjekësor”. Vijon puna nën drejtimin e Prokurorisë, për zbardhjen dhe dokumentimin e plotë ligjor të këtij rasti.
