Kreu i demokratëve Lulzim Basha ka reaguar përmes një mesazhi ngushëllimi për ndarjen nga jeta të ish-kryeministrit Bashkim Fino.
Përmes një postimi të publikuar në “Twitter”, lideri demokrat shkruan se kontributi i Finos në politikën shqiptare do të vlerësohet gjithmonë si një zë i rëndësishëm për stabilitetit politik të vendit.
“Me trishtim mësova lajmin për ndarjen nga jeta të ish-kryeministrit, ish-ministrit dhe ish-deputetit Bashkim Fino. Jam i bindur se kontributi i Bashkim Finos në politikën shqiptare do të vlerësohet gjithmonë si një zë i rëndësishëm për stabilitetit politik & shoqëror të vendit. Shpreh ngushëllimet më të sinqerta familjes Fino dhe të gjithë të dashurve të tij. U prehtë në paqe!”
Fino humbi jetën orët e para të mëngjesit të kësaj të hëne, pas një beteje me koronavirusin.
