Në nisje të seancës së sotme plenare, ministrja e shtetit për Rininë dhe Fëmijët, Bora Muzhaqi u theksoi se buxheti në shtet për fëmijët thuhet se është shumë i vogël, por sipas saj është më mirë seç ka qenë më parë.
Muzhaqi tha se i ka dëgjuar nga afër nevojat dhe dëshirat e fëmijëve e të rinjve, jo vetëm në Tiranë por edhe ë rrethe, dhe shtoi se i vjen mirë që sheh të rinj që duan t’u largohen kafeneve.
“Ne do krijojmë qendrat e kodimit, që të përgatisim të rinjtë në qendrat e kodimit. Për t’i përgatitur ata për një të ardhme digjitale…Shoh të rinj që duan t’u largohen kafeneve dhe janë më largpamës për vendin e tyre seç mund të jetë kjo sallë këtu.”
Po ashtu, ministrja Muzhaqi u bëri thirrje deputetëve në sallë që të kujdesen për mënyrën sesi flasin dhe të mbajnë parasysh se çfarë shembulli u japin fëmijëve.
