Moti i keq ‘pushton’ vendin, Rama nxjerr pamjet: Policia e Shtetit, në gatishmëri

Shqipëria ndodhet në një situatë të vështirë, si pasojë e reshjeve të shiu dhe të dëborës.

Kryeministri Edi Rama njofton se Policia e Shtetit është në gatishmëri për t’u ardhur në ndihmë qytetarëve në nevojë.

Ai shprehet se të gjithë qytetarët mund të adresohen në numrin 112 në rast nevoje, ose mund ta bëjnë thirrjen përmes telefonit në Komisariatin Dixhital.

“Edhe Policia e Shtetit prej ditësh në gatishmëri, për t’u ardhur në ndihmë qytetarëve në nevojë. Është përforcuar shërbimi edhe në të gjitha Sallat Operative të Policisë, ku qytetarët mund të adresohen përmes numrit 112 ose përmes njoftimit nga smartfoni në Komisariatin Dixhital.”