Ministri për Europën dhe Punët e Jashtme, Igli Hasani ka publikuar foto nga takimi me presidentet e Kosovës, Vjosa Osmani.
Krah fotove, ministri Hasani shkruan se fokusi i bisedimeve ishte forcimi i bashkëpunimit mes dy vendeve. Ai thekson se siguroi presidenten Osmani që Shqipëria do të jetë gjithmonë krah Kosovës, për t’i dhënë zë në organizatat e forumet ndërkombëtare.
“Mirënjohje për mikpritjen e Presidentes së Republikës së Kosovës, Vjosa Osmani.
Diskutuam thellimin e bashkëpunimit tonë dypalësh dhe situatën aktuale në rajon.
E sigurova Presidenten Osmani se Shqipëria është do të vazhdojë të jetë përherë mbështetësja më me zë e Kosovës në të gjitha forumet dhe organizatat ndërkombëtare”, shkruan ai.
Ministri për Europën dhe Punët e Jashtme, Igli Hasani gjatë vizitës zyrtare në Kosovë zhvilloi edhe një takim me homologen Donika Gërvalla./vizionplus.tv/
