Reshjet e shiut kanë shtuar përmbytjet në shumë zona të vendit.
Kjo është situata në zonën fushore të Qarkut Fier. Zona e evidentuar si problematikë është fusha në fshatin Belinë, njësia Administrative Zharrës, Bashkia Patos.
Sipas specialistëve, ben te ditur Vizion Plus, shkak është bllokimi i disa kanaleve dytësore. Janë rreth 30 ha tokë me prezencë të ujrave.
Ndërkohë problematike paraqitet gjendja edhe në fshatin Nartë, ku që prej 6 janarit tokat janë pushtuar nga uji. Shkak për këtë janë bërë ujërat e lagunës, por dhe shpërthimi i ujërave të kanalit të fshatrave të zonës. banorët e fshatit shprehen të shqetësuar, se situata po përkeqësohet dita ditës dhe nuk po marrin asnjë zgjidhje.
Situata e përmbytjeve është përkeqësuar gjatë natës edhe në qarkun e Shkodrës.
Sipas bashkisë, mëngjesin e kësaj të shtune rezultojnë nën ujë 5370 Ha. Më herët, banorët në zonën e Dajçit janë shprehur të revoltuar pasi nuk po marrin zgjidhje.
Moti i keq ka sjellë probleme me përmbytjet prej disa ditësh në disa zona të tjera vendit.