Ish-kryeministri Sali Berisha ka publikuar një video me momentet nga Foltoret e zhvilluara nëpër disa qytete, gjatë ditëve të fundit.
Berisha shprehet entuziast dhe optimist për të ardhmen e gjithë Shqipërisë.
“Miq, një përshëndetje të përzemërt me këtë video për Foltoren, që me entuziazmin tuaj të zjarrtë po mbulon me vellon e bukur të shpresës mbarë Shqipërinë”, shkruan Berisha në rrjete sociale.
Kujtojmë se deri tani, ish kryeministri ka zhvilluar pesë “Foltore, në Tiranë, Durrës, Fier, Vlorë dhe Shkodër. Kjo lëvizje e Berishës vjen pasi kreu i PD, Lulzim Basha vendosi ta përjashtojë ish kryeministrin nga grupi parlamentar i PD, pas shpalljes non grata nga SHBA.
Advertisement
