Gjykata Kushtetuese ka shqyrtuar për herë të parë një nga aktet kufizuese të vendosura nga qeveria në betejën kundër pandemisë së koronavirusit, raporton Vizion Plus.
Gjyqtarët kanë dëgjuar sot argumentet e kryerepublikanit Fatmir Mediu, i cili kërkon shpalljen anti-kushtetues të kufizimeve për tubimin e qytetarëve gjatë fushatës elektorale.
FATMIR MEDIU
AdvertisementKRYETAR I PR
“Veprimtaritë e Edi Ramës tentojnë që të krijojnë karantinë për opozitën. Në një kohë që i ka lejuar vetes dhe përmes vlerësimeve të komitetit, që parlamenti të mblidhet, qeveria apo dhe pushteti lokal të bëjë aktivitete mbi 10 veta dhe kufizon opozitën. Kjo është situatë e papranueshme, antikushtetuese dhe ligjore s’mund të ketë dy standarde sepse s’mund të trajtohet ndryshe kryetari i partisë , kryeministri dhe kryetari i bashkisë e ndryshe opozitarët.”
Mediu është i vetmi politikan që i është drejtuar Gjykatës Kushtetuese kundër vendimit të qeverisë për te kufizuar takimet në vetëm 10 persona si një nga strategjitë në betejën kundër koronavirusit.
