Media greke “Ekathimerini” i ka bërë jehonë një deklarate të ish-kryeministrit Sali Berisha se kryeministri shqiptar Edi Rama është vasal i Erdoganit.
Në artikull thuhet se Rama po promovon Turqinë si aleatin dhe mirëbërësin kryesor të Shqipërisë, duke përmendur edhe spitalin e premtuar nga Erdogan që do të ndërtohet në Fier.
Sipas kësaj media, donacioni prej 60 milionë eurosh është premtuar nga Erdogan gjatë vizitës së Ramës në Ankara, ndërsa shton se ky spital do të jetë gati para zgjedhjeve të 25 prillit.
“Bashkimi Europian është gjithnjë e më shumë i shqetësuar dhe kritik në lidhje me pozicionin e Ramës, i cili ka kritikuar BE-në për qëndrimin ndaj Turqisë, për vaksinimin dhe disa çështje të tjera”, thuhet ndër të tjera në artikull.
Advertisement
