Qindra shqiptarë dolën në rrugët e Londrës mbrëmjen e kaluar për të festuar ditën e Pavarësisë së Shqipërisë.
Pamjet e tyre kanë tërhequr edhe vëmendjen e mediave të huaja. Ndër to, Daily Mail e cila iu ka kushtuar një artikull.
“Pamjet e shpërndara në internet tregojnë Audit, Range Rovers dhe Porsche 4×4 që bllokuan trafikun pranë Ëestminsterit ndërsa oficerët e Policisë Metropolitane zbritën në terren për të rregulluar qarkullimin e atomjeteve.
Në klipe të ndryshme, burra dhe gra u panë duke valëvitur flamurin shqiptar nga xhamat e makinave luksoze që kapin vlerën e qindra mijëra paundve.
Diku tjetër, makinat xhironin gomat ndërsa të rinj shiheshin duke kërcyer me veshje kombëtare.” – shkruan Daily Mail.
Në të njëjtin shesh në Londër, shqiptarët u mblodhën edhe një muaj më parë për të protestuar pas deklaratave të Sekretares së Brendshme, Suella Braverman.
Daily Mail ka përfshirë në artikull edhe kritikët që nuk pëlqyen festën e shqiptarëve për shkak të rrëmujës e trafikut ndërsa disa të tjerë dolën në mbrotje të shqiptarëve duke i komplimentuar.