Gjykata e Korçës ka vendosur arrest me burg për tre të akuzuarit për vrasjen e 26-vjeçarit, Martin Çeço.
Ata akuzohen për vrasje me paramendim kryer në bashkëpunim.
Dyshohet se tre burrat, Bleti Angjo, Valter Mollaj dhe Edlir Mollaj pasi varën 26-vejçarin,tentuan të inskenojnë një vetëvrasje, duke i lënë shapkat e tij jashtë rezervuarit ku hodhën trupin.
Avokati mbrojtës i Bledi Angjos, Lorik Zeqo është shprehur se dinamika e ngjarjes është zbardhur nga deklarata fillestare e Angjos i cili ka treguar për policinë se autor i vrasjes është Valter Mollaj, i cili ka qenë në lidhje me një vajzë e cila është bërë shkak për ngjarjen.
Ai ka bashkëpunuar me organet duke treguar që të tre të arrestuarit kanë qenë së bashku në mjet kur e kanë marrë nga banesa viktimën, dhe më pas e kanë çuar drejt rezervuarit ku e kanë mbytur dhe e kanë hedhur në ujë.
Sipas avokatit, ekzekutori i 26 vjeçarit është Valter Mollaj, ndërsa dy të tjerët janë bashkëpunëtorë dhe ndihmës në krim. Vajza sipas të dhënave ka pasur lidhje me Valter Mollajn, dhe i ka treguar këtij të fundit që kishte komunikim edhe me Martin Çeçon. Gjatë seancës të tre kanë mbajtur qëndrim mohues duke mos pranuar krimin. Madje, edhe vetë Bleti Angjo i cili bashkëpunoi me policinë, ka heshtur.